සියපතක වරුණ

සියපතක පෙති අතර සැඟවුණු

රහස මම සෙව්වා..

පුංචි පිණිබිඳු සැඟවිලා එහි

අගය නිම් නැතුවා..

මතුව ගිලිහුණු මලක් යැයි නුඹ

ඔහේ පා කෙරුවා..

නෙලාගත් මල බුදුන් පාමුල

මම පුද කෙරුවා..

බොහෝ පිං ඇති මලක් ලෙසකට

දිවිය නිම කෙරුවා..

පුංචි කැකුළක් ඉවුර අද්දර

හොඳින් මං හැදුනා..

මඩේ පිපිලා මඩෙන් එළියට

සුපිරිපුන් වූවා..

හිරුගේ ශක්තිය

මවගේ රුධිරය

හොඳින් ගැබ් වූවා..

පුරා අටවක

විලස පෙර දින

වතුර රැළි නැඟුනා..

සිනිදු දෑතින් නටුව හනිකට

දෙකඩ වෙනු පෙනුනා..

ගෙවා ආ සංසාරෙ මඟ අද

නිමයි මට සිතුනා..