කුරුමාණම් පැංචා

                               ඡායාරූපය - මධූෂානි දයාරත්න

සමනලයෝ නුඹ

ඡායාරූපය -  මධුෂානි දයාරත්න

නුඹ වයන ස්වරයට ගයන්නම් මං තාලයට

ඇයයි සිරිකත ගමකට

  

ඈත ගම් පියසක සොඳුරු වන ලැහැබක

කටුමැටියා හෙවනක ගෙවන දිවි ඇය

කෙත වවපු බතකට පොළොස් ඇඹුලක් යහමෙට

තැලුණු ලුණු මිරිසට පිනයි දිව කාගෙත් හනිකට

හැරමිටිය කොටවුන මකයි ඇගෙ තනිය නොතනිය

කෙස් වැටියට ඉන ඇඳුණු රෙද්දට

රැළි වැටුණ මුහුණට වඩා පිරුණු හදවත

කාගෙ කාගෙත් හිත්වල ඇතිය ඇගේ ඒ හොඳ

අමාවක දවසට දරයි සිල් රෙදි ඇඟ වට

හඬනඟා යහමෙට කියයි බුදු බණ සද්දෙට

නිවන් පුර යන්නට පතයි ඈ හැමවිටකම

කවුරු කවුරුත් හඳුනන ඇයයි සිරිකත ගමකට

Face book මහ ගෙදර

නිතර යන එන සැරිසරන Face book ගැන අපි ගොඩක් දේවල් දැනගෙන හිටියත් , මේ  Face book මෙහෙයවන කාර්යාලය ගැන නොදන්නවා වෙන්න පුළුවන්.

Face book සමාජ ජාල මාධ්‍යය වගේම Face book වැඩකටයුතු මෙහෙයවන කාර්යාලයත් හරිම වෙනස් තැනක්. මේ කාර්යාල ව්‍යුහය නිර්මාණය කරල තියෙන්නේ සාම්ප්‍රදායික කාර්යාල ක්‍රියාවලියෙන් බැහැර වෙලා. වඩාත් සිත්ගන්නාසුළු ආකාරයට  සියලු අංශයන් නිර්මාණය කර තිබෙන Face book ප්‍රධාන කාර්යාලයේ සේවක පිරිස නම් ගොඩක් කාර්ය බහුලයි.

Face book එක්ක අපි කරන වැඩ කන්දරාවත් එක්ක බලනකොට එහි සේවය කරන සේවක පිරිසට පැවරෙන වැඩ කොයිතරම්ද කියලා අමුතුවෙන් කියන්නට වුවමනා නැහැ. මොනතරම් වැඩ කොටසක් කරත් Face book ප්‍රධාන කාර්යාලයේ කාර්යමණ්ඩලය වැඩ කරන්නේ ගොඩක් සතුටින්. ඒ  Face book නිසාම ඔවුනට ලැබිල තියෙන පහසුකම් නිසයි.

අරුම පුදුම කොණ්ඩ විලාසිතා

අපේ විලාසිතා ලෝකෙට මොහොතින් මොහොත දවසින් දවස අපූරු අලුත් දේවල් එකතු වෙනවා.ඉතින් මේ කියන්නට හදන්නේ ඒ විදිහට අලුතින්ම එකතුවුණු විලාසිතාවක් ගැන. තරුණියන්ගේ විලාසිතා ලෝකෙට එක්වුණු කොණ්ඩ විලාසිතාවක් ගැනයි මේ කතාව.

ලස්සන කෙස් කළඹක් කියන්නේ තරුණ යුවතියකට අපූර්ව ආභරණයක්.ඉතින් මේ ආභරණය තව තවත් හැඩ වැඩ කරගන්නට මොවුන් නොයෙක් විලාසිතා සිදු කරන අතරම අලුත් විදිහේ විලාසිතාවන් අත්හදා බලනවා. මේ විලාසිතාවනම් ටිකක් වෙනස්ම විදිහක විලාසිතාවක්. කෙස් කළඹින් සත්ත්ව රූප මවන විලාසිතාවක් තමයි මේ. හැබැයි ඉතින් මේ විලාසිතාව මොන වගේ අවස්ථාවකට ගැළපෙනවද කියන එක ගැන නම් දෙපාරක් හිතල බලන්නම වෙනවා. කොහොම වුණත් මේ විලාසිතාව විලාසිතා ලෝකෙට අලුත්ම දෙයක් බව නම් පැහැදිළියි.

සිතුවම කී කතා